ԵՐԵՎԱՆ, 29 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 24-28-ը Մոսկվայում անցկացվեց սպորտային մարմնամարզության «Աշխարհի աստղեր» անվանումով միջազգային մրցաշարը, որը նաեւ աշխարհի գավաթի խաղարկության հերթական փուլերից մեկն է: Հայստանի ներկայացուցիչ Վահագն Ստեփանյանը 9-րդն էր զուգափայտի, 10-րդը` օղակների վրա եւ 15-րդը նժույգաթափում: Սերոբ Սողոմոնյանը 26-րդը ճանաչվեց եւ նժույգաթափում, եւ պտտաձողի վրա: Մրցաշարին մասնակցեցին 36 երկրների 159 մարզիկ-մարզուհիներ:

---