ՀԱՅԱՍՏԱՆԻ ՏԱՐՎԱ ՇՐՋԱՆԱԿՆԵՐՈՒՄ ՓԱՐԻԶՈՒՄ ԿԱԶՄԱԿԵՐՊՎԵԼ Է
ԳԱԼԱ-ՀԱՄԵՐԳ ԱՇԽԱՐՀԻ ՈՒԺԵՂԱԳՈՒՅՆ ԳԵՂԱՍԱՀՈՐԴՆԵՐԻ ՄԱՍՆԱԿՑՈՒԹՅԱՄԲ
18-04-2007 17:00:00 | Ֆրանսիա | Սպորտ
ՓԱՐԻԶ, 18 ԱՊՐԻԼԻ, ՆՈՅՅԱՆ ՏԱՊԱՆ: Փարիզի «Բերսի» մարզապալատի
սահադաշտում ապրիլի 14-ին կայացել է գալա համերգ` աշխարհի
գեղասահքի տարբեր տարիների չեմպիոնների մասնակցությամբ: Միջոցառման
կազմակերպիչ Ֆրանսիայի եւ Հայաստանի գեղասահքի ֆեդերացիաները,
Ֆրանսիայի ԺԱՖ հայկական երիտասարդական միությունը հրավիրել էին
նաեւ Անաստասիա Գրեբյոնկինա - Վազգեն Ազրոյան պարային զույգին, որը
իր վարպետությունը ցուցադրեց երգահան Արա Գեւորգյանի երաժշտության
ուղեկցությամբ:
Ինչպես «ՆՈՅՅԱՆ ՏԱՊԱՆ»-ի թղթակցին հայտնեց Հայաստանի
գեղասահքի ֆեդերացիայի նախագահ Սամվել Խաչատրյանը, միջոցառումն
անցկացվել է Ֆրանսիայում Հայաստանի տարվա շրջանակներում::