ՖՈՒՏԲՈԼԻ ՀԱՅԱՍՏԱՆԻ ԵՐԻՏԱՍԱՐԴԱԿԱՆ ՀԱՎԱՔԱԿԱՆՆ ԸՆԴԳՐԿՎԱԾ Է
ԵՎՐՈՊԱՆՅԻ ԱՌԱՋՆՈՒԹՅԱՆ 2-ՐԴ ԽՄԲՈՒՄ
14-02-2007 15:50:00 | Շվեդիա | Սպորտ
ՍՏՈԿՀՈԼՄ, 14 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 13-ին
Շվեդիայի մայրաքաղաք Ստոկհոլմում տեղի ունեցավ ֆուտբոլի Եվրոպայի
2009թ.-ի երիտասարդական առաջնության որակավորման փուլի
վիճակահանությունը: Հայաստանի երիտասարդականն ընդգրկված է 2-րդ
խմբում, որտեղ նրա մրցակիցներն են Չեխիայի, Ուկրաինայի, Թուրքիայի
եւ Լիխտենշտեյնի հավաքականները:
ՈՒԵՖԱ-ի անդամ 52 երկրներից 10 խմբերում ընդգրկված է 51-ի
թիմ: Հայտ չի ներկայացրել Անդորրան, իսկ շվեդ ֆուտբոլիստները որպես
կազմակերպիչ երկրի ներկայացուցիչներ ազատված են նախնական փուլի
մրցաշարերից: Խմբային մրցաշարերի հանդիպումները նախատեսված է
անցկացնել ազգային հավաքականների խաղերի նախօրյակին: