ՓԱՐԻԶ, ԵՐԵՎԱՆ, 12 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 11-ին Փարիզում ավարտվեց ձյուդոյի աշխարհի Սուպերգավաթի խաղարկության հերթական փուլը: Հայաստանի 4 ըմբիշներից 5-6-րդ տեղերը բաժանեց Հովհաննես Դավթյանը (60 կգ, Գյումրի): Մյուս 3 հայ մարզիկներից, նրանց թվում եւ Եվրոպայի նախորդ 4 առաջնությունների մեդալակիր Արմեն Նազարյանը, առաջին վեցյակ չմտան: Խաղարկության հերթական փուլը տեղի կունենա Գերմանիայի Համբուրգ քաղաքում` փետրվարի 22-25-ին:

---