Վախճանվել է 72-ամյա հայազգի կինոռեժիսոր Միքայել Վարդանովը
11-01-2010 17:30:00 | ԱՄՆ | Մշակույթ
ՀՈԼԻՎՈՒԴ, 11 ՀՈՒՆՎԱՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Դեկտեմբերի 31-ին Հոլիվուդում վախճանվել է 72-ամյա հայազգի
կինոռեժիսոր, օպերատոր, սցենարիստ եւ արվեստագետ Միքայել
Վարդանովը:
Մ.Վարդանովը ծնվել է 1937թ. փետրվարի 21-ին Գրոզնիում:
Երիտասարդ տարիքից Վարդանովն աշխատել է որպես լուսանկարիչ,
այնուհետեւ ավարտել է Մոսկվայի ՎԳԻԿ կինոմատոգրաֆիայի ինստիտուտը
եւ 1965թ. առաջին անգամ այցելել է Հայաստան: Նա իր աշխատանքը
սկսել է կինոարվեստում իր «Հայոց գույնը» վավերագրական ֆիլմով,
որտեղ ներկայացված են հին ու արդի արվեստը եւ Հայաստանի
պատմությունը: Նրա երկրորդ ֆիլմն է «Աշնանային հովվերգությունը»,
որի սցենարիստը Արտավազդ Փելեշյանն է: Վարդանովի վերջին
ստեղծագործությունը Հայաստանում վավերագրական տրիլոգիան էր`
«Ջնջված դեմքեր», «Մինաս. Ռեքվիեմ» եւ նրա գլուխգործոցը`
«Փարաջանով. Վերջին գարունը», որը բազմաթիվ մրցանակների է
արժանացել:
Ինչպես տեղեկացնում է «Կռունկը», Մ.Վարդանովի
հողարկավորության արարողությունը տեղի է ունեցել 2010թ. հունվարի
9-ին Հոլիվուդի սբ. Սարգիս հայ առաքելական եկեղեցում: