Մեկնարկել է «Լավագույն մարզական ընտանիք» հանրապետական
մրցույթի առաջին փուլը
10-06-2009 20:00:00 | Հայաստան | Սպորտ
ԵՐԵՎԱՆ, 10 ՀՈՒՆԻՍԻ, ՆՈՅՅԱՆ ՏԱՊԱՆ: Հայաստանի մարզերում եւ
ԼՂՀ-ում հունիսի 1-ից մեկնարկել է ՀՀ նախագահի սահմանած «Լավագույն
մարզական ընտանիք» հանրապետական մրցույթի առաջին փուլը: Հունիսի
10-ին Երեւանի «Հրազդան» մարզադաշտում պայքարի մեջ մտան Երեւանի 24
ընտանիքներ:
Մրցույթի ծրագրում ընդգրկված է 6 մրցաձեւ (300 մետր
փոխանցավազք, ուժային մրցույթ, պարանի ձգում, թենիսի գնդակի
նետում, հեռացատկ տեղից եւ խաղային փոխանցավազք): Եզրափակիչը
կանցկացվի հուլիսի երկրորդ կեսին Ծաղկաձորում, որտեղ կմրցեն առաջին
փուլի մարզային մրցումներում 1-3 տեղերը գրաված թիմերը:
Մրցանակային հիմնադրամը 13 մլն դրամ է: