ՍԵՎԾՈՎՅԱՆ ԵՐԿՐՆԵՐԻ ՄԱՐԶԱԿԱՆ 1-ԻՆ ԽԱՂԵՐԸ ԿՄԵԿՆԱՐԿԵՆ ՀՈՒԼԻՍԻ
2-ԻՆ
11-01-2007 18:34:00 | Հայաստան | Սպորտ
ԵՐԵՎԱՆ, 11 ՀՈՒՆՎԱՐԻ, ՆՈՅՅԱՆ ՏԱՊԱՆ: Հուլիսի 2-8-ին
Տրապիզոնում (Թուրքիա) կանցկացվեն Սեւծովյան երկրների առաջին
մարզական երիտասարդական խաղերը: 9 երկրների ներկայացուցիչները
կպայքարեն 9 մարզաձեւերում` վոլեյբոլ, բասկետբոլ, ֆուտբոլ,
ատլետիկա, ըմբշամարտ, նետաձգություն, թաեքվոնդո, լող,
գեղարվեստական մարմնամարզություն: Հայսպորտպետկոմի մամլո
ծառայությունից «ՆՈՅՅԱՆ ՏԱՊԱՆ»-ի թղթակցին հայտնեցին, որ
միջոցառման մասին գրավոր տեղեկացվել են համապատասխան մարզաձեւերի
ազգային ֆեդերացիաները, որոնք ձեռնամուխ են եղել նախապատրաստական
աշխատանքներին: Առայժմ խաղերի կազմկոմիտեին հայտեր չեն
ներկայացվել: Հայաստանը նույնպես չի հաստատել իր մասնակցությունը: