ԵՐԵՎԱՆՈՒՄ ԱՆՑԿԱՑՎԵՑ ԲԱՐՁՐԱԿԱՐԳ ՄԱՐԶԻԿՆԵՐԻ ԲԺՇԿԱՀՈԳԵԲԱՆԱԿԱՆ
ՍՊԱՍԱՐԿՄԱՆ ՀԱՐՑԵՐԻՆ ՎԵՐԱԲԵՐՈՂ ԽՈՐՀՐԴԱԿՑՈՒԹՅՈՒՆ
01-12-2006 19:04:00 | Հայաստան | Սպորտ
ԵՐԵՎԱՆ, 1 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի ազգային
օլիմպիական կոմիտեի (ՀԱՕԿ) նախաձեռնությամբ նոյեմբերի 30-ից
դեկտեմբերի 1-ը Երեւանում անցկացվեց «Բարձրակարգ մարզիկների
բժշկահոգեբանական սպասարկման հիմնախնդիրները» թեմայով
խորհրդակցությունը, որին մասնակցեցին տարբեր մարզաձեւերի ՀՀ
հավաքականների (ազգային, երիտասարդական, պատանեկան) ավագ
մարզիչներն ու թիմերը սպասարկող բժիշկները: Զեկուցումներում
բանախոսներն անրադարձան բարձրակարգ մարզիկների հոգեբանական
սպասարկման հիմունքներին, սպորտում բժշկական թեստավորմանը,
մարզիկների սննդի, վնասվածքաբանության եւ այլ կարեւոր հարցերին: