ԲԱՔՈՒ, 26 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 31-ին Վիեննայում կկայանա ՄԱԿ-ի, ԵԱՀԿ-ի, ՆԱՏՕ-ի, ՄԱԿ-ի Շրջակա միջավայրի ծրագրի, Եվրոպական հանձնաժողովի եւ Շրջակա միջավայրի կենտրոնի նախաձեռնած Շրջակա միջավայրի եւ անվտանգության նախաձեռնության կազմակերպության (ENVSEC) փորձագիտական հանձնաժողովի հանդիպում: Ինչպես հաղորդում է «Թրենդը»` վկայակոչելով ԵԱՀԿ մամլո ծառայությանը, հանդիպման ընթացքում կքննարկվի Հարավային Կովկասի էկոլոգիական իրադրությունը: Հիշեցնենք, որ տասնօրյա մոնիտորինգից հետո ԵԱՀԿ միջազգային փորձագիտական խումբը հայտարարեց, որ հրդեհները մեծ տարածք են ընդգրկել եւ նշանակալի վնաս հասցրել:

---