ԵՎՐՈՊԱՅԻ ՇԱԽՄԱՏԻ ԱԿՈՒՄԲԱՅԻՆ ԹԻՄԵՐԻ ԱՌԱՋՆՈՒԹՅՈՒՆՈՒՄ ԽԱՂԱՑՎԵԼ
Է 2 ՓՈՒԼ
10-10-2006 18:22:00 | Ավստրիա | Սպորտ
ԻՆՍԲՐՈՒԿ, 10 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ավստրիայի Ինսբրուկ
քաղաքում անցկացվող շախմատի Եվրոպայի ակումբային թիմերի
առաջնությունում հոկտեմբերի 9-ին կայացան 2-րդ փուլի
հանդիպումները:
«Միկա-Երեւան» կանանց թիմը 2-րդ փուլում 2,5:1,5 հաշվով
հաղթեց Սանկտ Պետերբուրգի «Ֆինեք»-ին եւ 4 միավորով 2-րդ տեղում է:
4 միավոր ունի նաեւ Չեռնոգորիայի «Պոդգորիցան», որը գործակիցներով
ընթանում է առջեւից: Եռյակը 3 միավորով եզրափակում է Վրաստանի
«Սաքարթվելո» թիմը:
Տղամարդկանց մրցումներում Հայաստանի «Բանկային արքա»-ն
3,5:2,5 հաշվով հաղթեց Գերմանիայի «Էս Ջի 18-68 Ալյոխին- Սոլինգեն»
թիմին եւ 4 միավորով եւս 14 ակումբների հետ առաջատարների խմբում է: