ԹԲԻԼԻՍԻՈՒՄ ՌՈՒՍԱՍՏԱՆԻ ԴԵՍՊԱՆՈՒԹՅԱՆ ՇԵՆՔԻ ՄՈՏ ՀԱՆՐԱՀԱՎԱՔ ԵՆ
ԱՆՑԿԱՑՆՈՒՄ ՄԵԾ ՀԱՅՐԵՆԱԿԱՆԻ ՎԵՏԵՐԱՆՆԵՐԸ
10-10-2006 16:06:00 | Վրաստան | Միջազգային
ԹԲԻԼԻՍԻ, 10 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Թբիլիսիում Ռուսաստանի
դեսպանության շենքի մոտ տեղի է ունենում հանրահավաք: Հանրահավաքին
մասնակցում են Հայրենական մեծ պատերազմի մոտ 100 վետերաններ:
Հանրահավաքի մասնակիցները կոչ են անում Ռուսաստանին եւ Վրաստանին
կարգավորել երկու երկրների միջեւ ստեղծված իրավիճակը: Ակցիայի
մասնակիցների մեծ մասը հայտարարում է, որ Ռուսաստանը դիմում է
Ռուսաստանից վրացիների դուրսմղման այն մեթոդներին, որոնք ժամանակին
կիրառում էին ֆաշիստները, որոնց դեմ վրացիները մարտնչել են ԽՍՀՄ
ժողովուրդների հետ ուս ուսի: Ակցիան խաղաղ բնույթ ունի եւ ոչ մի
միջադեպ չի գրանցվել: