Բ. ՖԵՐՐԵՐՈ-ՎԱԼԴՆԵՐ. «ԵՄ ԵՐԿՐՆԵՐԸ ԿՔՆՆԱՐԿԵՆ ՂԱՐԱԲԱՂՅԱՆ
ՀԱԿԱՄԱՐՏՈՒԹՅԱՆ ԿԱՐԳԱՎՈՐՄԱՆ ԳՈՐԾՈՒՄ ԵՎՐԱՄԻՈՒԹՅԱՆ ԴԵՐԻ ԲԱՐՁՐԱՑՄԱՆ
ՀՆԱՐԱՎՈՐՈՒԹՅՈՒՆԸ»
12-09-2006 14:44:00 | Ադրբեջան | Միջազգային
ԲԱՔՈՒ, 12 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Տարվա վերջին
Եվրամիության անդամ պետությունները կքննարկեն Ղարաբաղյան
հակամարտության խաղաղ կարգավորման գործընթացում տվյալ կառույցի
դերի բարձրացման հնարավորությունը: Ինչպես հաղորդում է Էմ Փի Էյ-ը,
այդ մասին «Հայացք Կասպիցին - 2008» միջազգային ռազմավարական
խորհրդաժողովում հայտարարել է Եվրահանձնաժողովի արտաքին
քաղաքականության հանձնակատար Բենիտա Ֆերրերո-Վալդները:
Անդրադառնալով Աբխազիայի, Լեռնային Ղարաբաղի եւ Հարավային Օսեթիայի
սառեցված հակամարտությունների կարգավորման գործընթացին, տկն.
Ֆերրերո-Վալդները նշել է, որ գրանցվել է ոչ մեծ առաջընթաց կամ դրա
լիակատար բացակայություն: Ըստ նրա, «բոլոր կողմերը չեն դրսեւորել
հակամարտությունների լուծում գտնելու պատասխանատվություն: ԵՄ-ն
կշարունակի աջակցել խաղաղության հաստատմանը Հարավային Կովկասի
տարածաշրջանում եւ նոր եվրոպական հարեւանության ծրագիրը առանցքային
գործիք է առաջադրված խնդիրների կատարման համար»: Եվրահանձնակատարը
ավելացրել է, որ «ԵՄ-ը մտադիր է շարունակել դոնորական օգնության
ցուցաբերումը Հարավային Օսեթիային, Աբխազիային, Լեռնային Ղարաբաղին
տնտեսության վերակառուցման եւ քաղաքացիական հասարակության
շինարարության համար»: