ԵՐԵՎԱՆ, 1 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 2-ին Իտալիա կմեկնեն Հայաստանի ծանրամարտի տղաների եւ աղջիկների երիտասարդական հավաքականները: Պալերմո քաղաքում կայանալիք Եվրոպայի առաջնության մրցահարթակ կելնեն Դավիթ Մուրադյանը (62 կգ, Արարատ), Տիգրան Մարտիրոսյանը (69 կգ, Գյումրի), Արամ Անդրիկյանը (77 կգ, Սեւան), Սեւակ Սահակյանը (94 կգ, Քասախ), մարզուհիներ Թեհմինե Կարապետյանը (53 կգ) եւ Մելինե Դալուզյանը (63 կգ)` երկուսն էլ Գյումրիից: Ծանրամարտի Եվրոպայի երիտասարդական առաջնությունը կանցկացվի սեպտեմբերի 3-10-ը:

---