ՍԱՄՎԵԼ ՊԵՏՐՈՍՅԱՆ. «ՆՊԱՏԱԿ ՈՒՆԵՆՔ ՆՈՐՎԵԳԱՑԻՆԵՐԻՆ ՀԱՂԹԵԼ 2
ԳՆԴԱԿԻ ԱՌԱՎԵԼՈՒԹՅԱՄԲ»
29-08-2006 16:16:00 | Հայաստան | Սպորտ
ԵՐԵՎԱՆ, 29 ՕԳՈՍՏՈՍԻ, ՆՈՅՅԱՆ ՏԱՊԱՆ: Եվրոպայի ֆուտբոլի
երիտասարդական առաջնության երկրորդ փուլի խմբային մրցաշարի ծրագրով
սեպտեմբերի 2-ին Հայաստանի հավաքականը Երեւանում կընդունի
Նորվեգիայի ընտրանուն: Հաղթելու նպատակ են հետապնդում Հայաստանի
ֆուտբոլիտստները: Օգոստոսի 29-ից հայ ֆուտբոլիստները թիմի ավագ
մարզիչ Սամվել Պետրոսյանի գլխավորությամբ սկսեցին նախապատրաստական
ուսումնամարզական հավաքը: Մարզումներում ընդգրկված են 18
ֆուտբոլիստներ, որոնք Եվրոպայի պատանեկան եւ երիտասարդական
առաջնությունների որոշակի փորձ ունեն: Ըստ Ս.Պետրոսյանի, թիմի
գլխավոր նպատակը նորվեգացիներին 2 գնդակի առավելությամբ հաղթելն է: