ՀՐԱՉՅԱ ՊԵՏԻԿՅԱՆ. «ԻՐԱԿԱՆԱՑՎՈՒՄ Է ԻՄ ՎԱՂԵՄԻ ԵՐԱԶԱՆՔԸ»
08-08-2006 15:56:00 | Հայաստան | Սպորտ
ԵՐԵՎԱՆ, 8 ՕԳՈՍՏՈՍԻ, ՆՈՅՅԱՆ ՏԱՊԱՆ: Երեւանի Նոր Նորքի
զանգվածում կկառուցվի Երեւանի հրաձգության մանկապատանեկան
մարզադպրոցը, որը կզբաղեցնի 5500 քառ/մ տարածք: Շինարարության
համար «Հայաստան» համահայկական հիմնադրամը տրամադրել է ավելի քան 1
մլն ԱՄՆ դոլար: Կառույցը շահագործման կհանձնվի 2007թ.-ի առաջին
կիսամյակում:
Մարզադպրոցը կահավորվելու է գերժամանակակից գույքով եւ
մարզոցներով: Միաժամանակ այստեղ կպարապեն 59 հրաձիգներ: Միջազգային
չափանիշներին համապատասխանող երեւանյան նորակառույցում
ուսումնամարզական հավաքներ կանցկացնեն նաեւ արտասահմանցի
նշանառուները:
ԻՆչպես «ՆՈՅՅԱՆ ՏԱՊԱՆ»-ի թղթակցի հետ զրույցում նշեց
Հրաձգության հանրապետական ֆեդերացիայի նախագահ, օլիմպիական չեմպիոն
Հրաչյա Պետիկյանը, «վերջապես իրականացվում է իր վաղեմի երազանքը»: