ՄԵԿՆԱՐԿԵՑ ԱԼԲԵՐՏ ԱԶԱՐՅԱՆԻ ԱՆՎԱՆ ՄԻՋԱԶԳԱՅԻՆ ՄՐՑԱՇԱՐԸ
27-06-2006 18:35:00 | Հայաստան | Սպորտ
ԵՐԵՎԱՆ, 27 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 27-ին մեկնարկեց
օղակների արքա Ալբերտ Ազարյանի անվան միջազգային մրցաշարը, որին
մասնակցում են Հայաստանի, Վրաստանի եւ Ավստրիայի 28
մարմնամարզիկներ: Մրցաշարի բացման արարողության ժամանակ
մասնակիցներին ողջունեց օլիմպիական խաղերի եռակի չեմպիոն,
Հայաստանի 20-րդ դարի լավագույն մարզիկ Ալբերտ Ազարյանը:
Բազմամարտում լավագույն եռյակը դասավորվեց հետեւյալ
հաջորդականությամբ. Վահագն Ստեփանյան` 88,7 միավոր, Արտյոմ
Ավետյան` 85,3 եւ Սերոբ Սողոմոնյան` 83,85 միավոր:
Հունիսի 29-ին մասնակիցները առանձին գործիքներից կվիճարկեն
խաղարկվող մրցանակները: