ԹԱԼԻՆ, 25 ՄԱՅԻՍԻ, ՆՈՅՅԱՆ ՏԱՊԱՆ: Հայաստանում զբոսաշրջության խթանման միջոցառումների շրջանակներում սկսվել է Արագածոտնի մարզի Թալինի տարածաշրջանի Դաշտադեմ համայնքի տարածքում գտնվող Կամսարական իշխանների բերդ-ամրոցի վերականգնողական աշխատանքները: Աշխատանքների իրականացման համար պետբյուջեից հատկացվել է 800 մլն դրամ (մոտ 1,8 մլն ԱՄՆ դոլար): Ինչպես «ՆՈՅՅԱՆ ՏԱՊԱՆ»-ի թղթակցին հայտնեց շինարարությունն իրականացնող «Արագածոտն» պետական փակ բաժնետիրական ընկերության տնօրեն Լյովա Ղուկասյանը, արդեն զգալի աշխատանք է կատարվել բերդի առաջին եւ երկրորդ միջնապարիսպների ու Սբ. Սարգիս եկեղեցու վերականգման ուղղությամբ: Դրան զուգընթաց սկսվել են նաեւ պեղումները: Վերականգնողական աշխատանքները նախատեսված է ավարտել 2007 թվականի վերջին: Դաշտադեմի համայնքապետ Անդրանիկ Ավետիսյանը վստահ է, որ բերդ-ամրոցի վերականգնումից հետո Դաշտադեմը կհետաքրքրի Հայաստան այցելող զբոսաշրջիկներին:

---