ԳԵՂԱՐՔՈՒՆԻՔ ՄԱՐԶՈՒՄ ԱՂՔԱՏՈՒԹՅԱՆ ԸՆՏԱՆԵԿԱՆ ՆՊԱՍՏ ՍՏԱՑՈՂՆԵՐԻ
ԹԻՎԸ ԱՄԵՆԻՑ ՄԵԾՆ Է ՄԱՐՏՈՒՆԻՈՒՄ
18-05-2006 18:40:00 | Հայաստան | Հասարակություն
ԳԱՎԱՌ, 18 ՄԱՅԻՍԻ, ՆՈՅՅԱՆ ՏԱՊԱՆ: 2006թ.-ի առաջին եռամսյակում
նախորդ տարվա համեմատ Գեղարքունիքի մարզում ավելացել է աղքատության
ընտանեկան նպաստ ստացողների թիվը: Այսպես, եթե 2004թ.-ին դրանց թիվը
կազմել է 11722, 2005թ.-ին` 11547, ապա 2006թ.-ի առաջին
եռամսյակում` 12013 մարդ: Ինչպես «ՆՈՅՅԱՆ ՏԱՊԱՆ»-ի թղթակցին
հայտնեցին Գեղարքունիքի մարզպետարանի աշխատակազմի Առողջապահության
եւ սոցիալական ապահովության վարչությունում, նպաստառուների թվի
ավելացումը բացատրվում է նրանով, որ կառավարության կողմից իջեցվել
է աղքատության գնահատման միավորի ներքին շեմը եւ պակասեցվել է մեկ
կովից ակնկալվող տարեկան եկամտի արժեքը: Նպաստառուների թիվը
2006թ.-ի առաջին եռամսյակում բաշխվել է հետեւյալ կերպ. Մարտունի`
4599, Գավառ` 1824, Սեւան` 1805, Վարդենիս` 2385 եւ Ճամբարակ`
1400: