ԼԵՎՈՆ ԱՐՈՆՅԱՆԸ ԼԻՆԱՐԵՍԻ ՄՐՑԱՇԱՐԻ 2 ՏՈՒՐԻՑ ՀԵՏՈ ՀԱՎԱՔԵԼ Է
ՄԵԿ ՄԻԱՎՈՐ
20-02-2006 19:40:00 | Մեքսիկա | Սպորտ
ՄՈՐԵԼԻԱ, 20 ՓԵՏՐՎԱՐԻ, ՆՈՅՅԱՆ ՏԱՊԱՆ: Մեկնարկել է Լինարեսի
ավանդական` թվով 23-րդ, շախմատային սուպերմրցաշարը: 8
շախմատիստների մասնակցությամբ, 2 շրջանով ընթացող մրցաշարի այս
տարվա առանձնահատկությունն այն է, որ 1-ին կեսն անցկացվում է
Մեքսիկայում, Մորելիա քաղաքում:
Մեկնարկային 2 տուրերում Հայաստանի ներկայացուցիչ Լեւոն
Արոնյանը 1 միավոր է վաստակել: Նա նախ հաղթել է ադրբեջանցի Թեմուր
Ռաջաբովին, ապա պարտություն կրել ուկրաինացի Վասիլի Իվանչուկից:
2 տուրից հետո մրցաշարային աղյուսակը գլխավորում են Պյոտր
Սվիդլերը (Ռուսաստան) եւ Պետեր Լեկոն (Հունգարիա), ովքեր 2-ական
միավոր ունեն:
Մրցաշարի 1-ին կեսը Մեքսիկայում կավարտվի փետրվարի 26-ին,
որից հետո մասնակիցները կտեղափոխվեն Իսպանիա եւ 2-րդ շրջանը
կանցկացնեն Լինարեսում: