Յուրմալայում «Նոր ալիք» երիտասարդ կատարողների մրցույթում հաղթեց ԱՄՆ-ի ներկայացուցիչ Ջեյդեն Ֆելդերը: Մրցույթին, ընդհանուր առմամբ, մասնակցել է 16 կատարող 14 երկրներից: Նրանք մրցել են երեք անվանակարգերում` «երկրի հիթ», «համաշխարհային հիթ» եւ յուրահատուկ երգ: Մրցանակային ֆոնդը կազմել է 100 հազար եվրո: Հաղթողը կստանա 50 հազար եվրո, երկրորդ եւ երրորդ տեղերը զբաղեցնողները` համապատասխանաբար 30 եւ 20 հազար եվրո: Պարգեւատրման արարողությունը տեղի կունենա այսօր «Նոր ալիքի» գալա համերգի ժամանակ:

---