2005 Թ.-ԻՆ ՀՀ-ՈՒՄ ՊՐՈԹԵԶԱՕՐԹՈՊԵԴԻԿ ՕԳՆՈՒԹՅՈՒՆ ԵՆ ՍՏԱՑԵԼ ՄՈՏ
7000 ՀԱՇՄԱՆԴԱՄՆԵՐ
30-01-2006 16:30:00 | Հայաստան | Հասարակություն
ԵՐԵՎԱՆ, 30 ՀՈՒՆՎԱՐԻ, ՆՈՅՅԱՆ ՏԱՊԱՆ: 2005թ.-ի ընթացքում ՀՀ
Բժշկասոցիալական փորձաքննության գործակալությունում փորձաքննվել են
61614 քաղաքացիներ (այդ թվում 14900-ը` առաջին անգամ), որոնցից
հաշմանդամ են ճանաչվել 60879-ը: Ըստ նախարարության Հաշմանդամների
եւ տարեցների հիմնահարցերի վարչության ամփոփ տեղեկատվության, անցած
տարի պրոթեզաօրթոպեդիկ օգնություն են ստացել մոտ 7000
հաշմանդամներ: Հաշմանդամների վերականգնողական բուժումն իրականացվել
է «ԱՐԹՄԵԴ» բժշկական վերականգնողական եւ «Սթրես» կենտրոններում,
որտեղ միայն նախարարության հայտով պետպատվերի շրջանակում բուժվել է
700 մարդ:
Ներկայումս ՀՀ Աշխատանքի եւ սոցիալական հարցերի նախարարության
ենթակայության 4 տուն-ինտերնատներում խնամվում են 970 ծերեր եւ
հաշմանդամներ: Միայն 2005-ին տուն-ինտերնատներ են ընդունվել 178
միայնակ կենսաթոշակառուներ: