ՎԵՅԿ ԱՆ ԶԵԵՅԻ ՄՐՑԱՇԱՐՈՒՄ ԼԵՎՈՆ ԱՐՈՆՅԱՆԻ ՀԱՋՈՐԴ ՄՐՑԱԿԻՑԸ
ՎԵՍԵԼԻՆ ԹՈՓԱԼՈՎՆ Է
25-01-2006 19:00:00 | Հայաստան | Սպորտ
ՎԵՅԿ ԱՆ ԶԵԵ, 25 ՀՈՒՆՎԱՐԻ, ՆՈՅՅԱՆ ՏԱՊԱՆ: Հոլանդիայի Վեյկ ան
Զե քաղաքում ընթացող շախմատի 19-րդ կարգի միջազգային մրցաշարի 9-րդ
տուրում երեւանցի գրոսմայստեր Լեւոն Արոնյանը մրցեց Հոլանդիայի
ներկայացուցիչ Սերգեյ Տիվյակովի հետ: Հանիդիպումը 52-րդ քայլից
հետո ավարտվեց ոչ-ոքի: Այսպիսով, Լ.Արոնյանը 9 հնարավորից
վաստակելով 4,5 միավոր 14 մասնակիցների մեջ բաժանում է 7-8-րդ
տեղերը:
Մրցաշարային աղյուսակը 6,5-ական միավորով գլխավորում են
աշխարհում ամենաբարձր վարկանիշն ունեցող երկու շախմատիստները`
Վիշվանաթան Անանդը (Հնդկաստան) եւ Վեսելին Թոփալովը (Բուլղարիա):
Հունվարի 25-ին անցկացվող 10-րդ տուրում Լ.Արոնյանը մրցում է
Վ.Թոփալովի հետ: Այսպիսով, կհանդիպեն աշխարհի գավաթակիրն ու
չեմպիոնը: