ԲՈՒԴԱՊԵՇՏ, 14 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Բուդապեշտում
անցկացվեց ֆուտզալի եվրոպական երկրների չեմպիոնների լիգայի
խաղարկության առաջին ընտրական փուլի մրցաշարը, որին մասնակցեց նաեւ
Հայաստանի չեմպիոն «Թալ Գրիգ»-ը: Հայ ֆուտբոլիստների մրցակիցներն
էին «Բենֆիկա» (Պորտուգալիա), «Արամիս» (Հունգարիա) եւ «Արարատ»
(Կիպրոս) թիմերը: «Թալ Գրիգ»-ը պարտություն կրեց «Բենֆիկայից» (2-3
հաշվով), ոչ-ոքի խաղած «Արամիսի» (3-3) եւ Նիկոսիայի Հայ
Բարեգործական Ընդհանուր Միությունը ներկայացնող «Արարատի» (4-4)
հետ: Այսպիսով, Հայաստանի չեմպիոնը ընտրական մրցաշարում գրավեց
3-րդ տեղը եւ դուրս մնաց գավաթի համար հետագա պայքարից:
Չեմպիոնների լիգայի խաղարկությունում պայքարը կշարունակի
«Բենֆիկան», որը Բուդապեշտի մրցաշարում գրավեց առաջին տեղը: