ԵՐԵՎԱՆ, 1 ՕԳՈՍՏՈՍԻ, ՆՈՅՅԱՆ ՏԱՊԱՆ: Երեւանի, Գյումրիի,
Էջմիածնի եւ Մասիսի 16 ուժեղագույն բիլիարդիստներ մասնակցեցին
Երեւանի «Արենա» ակումբում կազմակերպված «բուրգ» խաղաձեւի
մրցումներին: Մասնակիցները կիսաօլիմպիական մրցակարգով անցկացված
մրցաշարում պայքարեցին ակումբի սահմանած գավաթի համար: Բացի այդ,
դրամական մրցանակներ էին նախատեսված 1-4-րդ տեղերը գրաված
մարզիկներին:
Եռօրյա մրցապայքարի եզրափակիչում հանդիպեցին Հայաստանի
բազմակի չեմպիոններ, երեւանցի սպորտի վարպետներ Մարտին Ղայֆաջյանը
եւ Միսակ Հախոյանը: 7-5 հաշվով հաղթեց եւ «Արենա» ակումբի գավաթը
նվաճեց Մ.Ղայֆաջյանը: 3-րդ մրցանակակիր դարձավ Աշոտ Սարգսյանը
(Էջմիածին):