ՀՈՒՆԻՍԻ 25-ԻՆ ԵՐԵՎԱՆՈՒՄ ԿԿԱԶՄԱԿԵՐՊՎԻ ՎԱԶՔԱՐՇԱՎ` ՆՎԻՐՎԱԾ
ՄԻՋԱԶԳԱՅԻՆ ՕԼԻՄՊԻԱԿԱՆ ՕՐՎԱՆ
20-06-2005 20:28:00 | Հայաստան | Սպորտ
ԵՐԵՎԱՆ, 20 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 25-ին նշվում է
միջազգային օլիմպիական օրը, որի շրջանակներում անցկացվում են
տարբեր մարզական միջոցառումներ, որոնցից գլխավորը վազքարշավն է:
Հայաստանի Ազգային օլիպիական կոմիտեն եւս այդ օրը նախաձեռնել է
վազքարշավ, որը կմեկնարկի Երեւանի Հանրապետության Հրապարակից եւ
եզրագիծը կհատի «Հրազդան» մարզադաշտի մերձակայքում:
Նշենք, որ 2005թ.-ը ՄԱԿ-ը հայտարարել է ֆիզկուլտուրայի եւ
սպորտի միջազգային տարի, եւ, ինչպես նշված է ՄՕԿ-ի նախագահ Ժակ
Ռոգենի ուղերձում, վազքի օլիմպիական օրը հիշեցնում է, որ սպորտն
այժմ առավել քան երբեւէ երաշխավորում է յուրաքանչյուրին առողջ
մարմին եւ միտք»: