ՄՈՍԿՎԱ, 18 ՀՈՒՆՎԱՐԻ, ՆՈՅՅԱՆ ՏԱՊԱՆ: Մոսկվայում ընթացող
«Համագործակցության գավաթի»` ԱՊՀ եւ Բալթյան երկրների ֆուտբոլի
չեմպիոնների, մրցաշարում հունվարի 17-ին անցկացվեցին խմբային փուլի
վերջին` 3-րդ, տուրի խաղերը: 4-րդ խմբում ընդգրկված Երեւանի
«Փյունիկը» թեեւ 1-2 հաշվով պարտվեց հաշվարկից դուրս հանդես եկող
Ռուսաստանի պատանեկան հավաքականին, սակայն կշարունակի պայքարը:
Խմբում 1-ին տեղը գրավեց «Կաունասը» (Լիտվա), իսկ «Փյունիկը» 2-րդն
էր:
«Համագործակցության գավաթի» խաղարկությունում պայքարն այժմ
շարունակվելու է օլիմպիական մրցակարգով: Քառորդ եզրափակիչ փուլում
«Փյունիկը» մրցելու է Մոլդովայի չեմպիոն «Շերիֆ» թիմի հետ: