ԵՐԵՎԱՆ, 26 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Տիգրան Պետրոսյանի
անվան Հայաստանի շախմատիստի կենտրոնական տան տղամարդկանց
առաջնությանը մասնակցեցին 56 շախմատիստներ: Շվեյցարական
մրցակարգով, 9 տուրով անցկացված մրցաշարում 3 մասնակիցներ` Զավեն
Անդրեասյանը, Գեւորգ Հարությունյանը եւ Արման Հայրապետյանը,
վաստակեցին 7-ական միավոր եւ բաժանեցին 1-3-րդ տեղերը: Ավելի բարձր
մրցաշարային գործակիցներ ուներ 16-ամյա միջազգային վարպետ
Զ.Անդրեասյանը, որին շնորհվեց 1-ին տեղն ու չեմպիոնի կոչումը: 2-րդ
տեղում Գ.Հարությունյանն է, 3-ում` Ա.Հայրապետյանը:
Շախմատիստի կենտրոնական տան առաջնությունը նաեւ ընտրական
բնույթ ուներ. Առաջին 10 տեղերը գրաված մասնակիցներն իրավունք
նվաճեցին հանդես գալու Հայաստանի 2006թ.-ի առաջնության 1-ին խմբի
մրցաշարում: