ՔԱԲՈՒԼ, 9 ՀՈՒՆՎԱՐԻ, ՆՈՅՅԱՆ ՏԱՊԱՆ: «Թալիբան» շարժման Կարմիր մոլլա մականունով հայտնի առաջնորդներից մեկը, որը կասկածվում է բրիտանական զորքերի վրա հարձակումների նախապատրաստման մեջ, կաշառքով դուրս է եկել աֆղանական բանտից, հաղորդում է BBC-ն: Ըստ Կարմիր մոլլայի, իր ազատման համար նա աֆղանական իշխանություններին վճարել է 15 հազար դոլար: Կարմիր մոլլան հայտնել է նաեւ, որ բանտից նման ձեւով ազատվում է արդեն երրորդ անգամ: Մոլլայի խմբավորումը գործում է Գիլմենդի նահանգում, որտեղ շատ են բրիտանացի զինվորականները:

---