ՀԱՅԱՍՏԱՆԻ ՇԱԽՄԱՏԻ ՏՂԱՄԱՐԴԿԱՆՑ ՀԱՎԱՔԱԿԱՆԻ ՊԱՀԵՍՏԱՅԻՆ ՄԵԿ
ՏԵՂԻ ՀԱՄԱՐ ԿՊԱՅՔԱՐԵՆ 12 ՇԱԽՄԱՏԻՍՏՆԵՐ
08-01-2008 18:02:00 | Հայաստան | Սպորտ
ԵՐԵՎԱՆ, 8 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 8-21-ին Տիգրան
Պետրոսյանի անվան շախմատի տանը կանցկացվի Հայաստանի տղամարդկանց
առաջնությունը: Մրցաշարի 13 մասնակիցներից 12-ը` Սմբատ Լպուտյանը,
Տիգրան Լ.Պետրոսյանը, Արտաշես Մինասյանը, Աշոտ Անաստասյանը, Զավեն
Անդրիասյանը, Տիգրան Քոթանջյանը, Արման Փաշիկյանը, Արսեն
Եղիազարյանը, Տիգրան Նալբանդյանը, Արա Մինասյանը, Լեւոն Բաբուջյանը
եւ Սամվել Տեր-Սահակյանը, բացի մրցանակային տեղերից կպայքարեն նաեւ
Հայաստանի հավաքականի պահեստային մեկ տեղի համար:
Գերմանիայի Դրեզդեն քաղաքում աշնանը տեղի կունենա շախմատի
համաշխարհային օլիմպիադան: Հայաստանի հավաքականում արդեն ընդգրկվել
են Լեւոն Արոնյանը, Վլադիմիր Հակոբյանը, Գաբրիել Սարգսյանը եւ
Կարեն Ասրյանը: Վերջինը նույնպես հանդես կգա Հայաստանի
առաջնությունում: