40 ԻՐԱՆՑԻ ՀՐԵԱՆԵՐԻ ՄԻ ԽՈՒՄԲ ՏԵՂԱՓՈԽՎԵԼ Է ԻՍՐԱՅԵԼ ԳԱՂՏՆԻ
ՕՊԵՐԱՑԻԱՅԻ ԱՐԴՅՈՒՆՔՈՒՄ
26-12-2007 18:50:00 | Իսրայել | Միջազգային
ԹԵԼ ԱՎԻՎ, 26 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 25-ի
երեկոյան Իսրայել է ժամանել 40 իրանցի հրեաների մի խումբ հատուկ
գործողության արդյունքում, որի մանրամասները գաղտնի են պահվում,
հաղորդում է ԻՏԱՌ-ՏԱՍՍ-ը:
Թե ինչ երթուղով են Իրանից հրեական պետություն ժամանել
ներգաղթականները, չի հաղորդվում, սակայն, մեկնաբանների կարծիքով,
այն անցել է երրորդ երկրով: Պատմական հայրենիք իրանցի հրեաների
տեղափոխման օպերացիան հովանավորել է «Քրիստոնյաների եւ հրեաների
միջազգային ընկերակցություն» ամերիկյան ֆոնդը, որին ֆինանսավորում
են ի պաշտպանություն Իսրայելի պետության հանդես եկող ամերիկյան
բողոքական-ավետարանչականների խմբերը:
Իսրայելի նորահայտ քաղաքացիներից յուրաքանչյուրը ֆոնդից
կստանա 10 հազար դոլար տեղավորվելու համար, քանի որ նրանք իրենց
ողջ ունեցվածքը թողել են Իրանում: