ՓԱՐԻԶ, 20 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ֆրանսիական ոստիկանությունը ձերբակալել է ութ մարդու, որոնք կասկածվում են «Ալ Ղաիդա» միջազգային ահաբեկչական կազմակերպության ալժիրյան թեւի հետ կապերի մեջ: Յոթ ալժիրցիները եւ մեկ ֆրանսիացին ձերբակալվել են երեքշաբթի Փարիզում, նրա արվարձաններում եւ մերձակա Ռուան քաղաքում: Ինչպես հայտնի է դարձել, ձերբակալվածները աջակցություն են ցուցաբերել հյուսիսաֆրիկյան ծայրահեղականներին: Նրանց տանը հայտնաբերվել են կոմպյուտերներ եւ հեռահաղորդակցման սարքավորում:

---