ՀԱՅԱՍՏԱՆՅԱՆ ԲԵՌՆԱՓՈԽԱԴՐՈՂՆԵՐԻՆ ՅՈԹ ՏԱՐՈՒՄ ՏՐԱՄԱԴՐՎԵԼ ԵՆ
1689 TIR ԳՐՔՈՒՅԿՆԵՐ
18-12-2007 19:00:00 | Հայաստան | Տնտեսություն
ԵՐԵՎԱՆ, 18 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: 2001թ.-ից մինչ օրս
Հայաստանի բեռնափոխադրողներին տրամադրվել են 1689 TIR գրքույկներ:
Ինչպես «ՆՈՅՅԱՆ ՏԱՊԱՆ»-ի թղթակցին հայտնեցին Հայաստանի միջազգային
փոխադրողների ասոցիացիայի գրասենյակից, եթե 2001թ.-ին տրամադրվել
էր ընդամենը 42 TIR գրքույկ, ապա 2006թ.-ին` 437, իսկ այս տարի`
369:
Նշենք, որ գրքույկները տրվում են մեկ ուղերթի համար, ինչի
շնորհիվ ավտոմեքենաները հեշտացված կարգով են անցնում մոտ 8 տասնյակ
այն երկրների տարածքները, որոնք հանդիսանում են «TIR» կոնվենցիայի
անդամներ: TIR գրքույկ ունեցող բեռնափոխադրողի ավտոմեքենան
մաքսային զննման է ենթարկվում միայն մեկնման եւ ժամանման
երկրներում: Մեկ TIR գրքույկի արժեքը 55 հազար դրամ է (մոտ 180 ԱՄՆ
դոլար):
«TIR» կոնվենցիան, որին անդամակցում են 80-ից ավելի երկրներ,
ստորագրվել է 1975թ.-ին: Հայաստանը կոնվենցիայի անդամ է 1994թ.-ից: