ԱԼԺԻՐՈՒՄ ԱՀԱԲԵԿՈՒԹՅԱՆ ՀԵՏԵՎԱՆՔՈՎ ԶՈՀՎԵԼ Է ՄԱԿ-Ի 10
ԱՇԽԱՏԱԿԻՑ
12-12-2007 16:37:00 | ԱՄՆ | Միջազգային
ՆՅՈՒ ՅՈՐՔ, 12 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ալժիրում
ահաբեկության հետեւանքով զոհվել են ՄԱԿ-ի 10 աշխատակիցներ, եւս
չորսը համարվում են անհետ կորած: Դա Միավորված ազգերի
կենտրոնակայանում, ինչպես հաղորդում է ԻՏԱՌ-ՏԱՍՍ-ը, հաստատել է
ՄԱԿ-ի գլխավոր քարտուղարի պաշտոնական ներկայացուցիչ Մարի Օկաբեն:
Պայթյունից Ալժիրի մայրաքաղաքում ավերվել է ՄԱԿ-ի Զարգացման
ծրագրի ներկայացուցչությունը, իսկ կից գտնվող ՄԱԿ-ի փախստականների
գործերի գերագույն հանձնակատարի վարչության շենքը` լրջորեն
վնասվել: Ալժիրում ՄԱԿ-ի տարբեր հաստատությունների
ներկայացուցչություններում մինչեւ ահաբեկությունը աշխատում էին
կազմակերպության 134 աշխատակիցներ` 19 միջազգային եւ 115
տեղացիներ: