96 ՉԻՆ ՀԱՆՔԱՓՈՐՆԵՐ ԶՈՀՎԵԼ ԵՆ ԱԾԽԱՀԱՆՔՈՒՄ ԳԱԶԻ ՊԱՅԹՅՈՒՆԻ
ՀԵՏԵՎԱՆՔՈՎ
06-12-2007 17:30:00 | Չինաստան | Միջազգային
ՊԵԿԻՆ, 6 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հյուսիսային Չինաստանի
Շանսի նահանգի ածխահանքում տեղի ունեցած գազի պայթյունի հետեւանքով
զոհվել է առնվազն 96 մարդ, հաղորդում է «Ինտերֆաքսը»:
Պայթյունը տեղի է ունեցել դեկտեմբերի 6-ի առավոտյան:
Փրկարարներին հաջողվել է ածխահանքից կենդանի դուրս բերել 15
հանքափորների: Ընդամենը, պայթյունի պահին, հանքահորում, նախնական
տվյալներով, եղել է 111 մարդ:
Նշվում է, որ պայթյունի պատճառները պարզելու համար սկսված
հետաքննության շրջանակում ձերբակալվել են հանքահորի տնօրենը եւ մի
շարք այլ պատասխանատու աշխատողներ: Իսկ ձեռնարկության բանկային
հաշիվները գտնվում են կալանքի տակ: