ՄՈՍԿՎԱ, 27 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ռուսաստանի բուհերը մինչեւ 2010 թվականը աշխատանքի շուկա «կմատակարարեն» բարձրագույն կրթությամբ ավելցուկային թվով մասնագետներ: Եվ նրանցից յուրաքանչյուր երկրորդը ավելորդ կլինի, քանի որ հիմնականում աճում է միջին եւ տարրական մասնագիտական կրթություն ունեցող մասնագետների պահանջմունքը: Այս մասին, ինչպես հաղորդում է ԻՏԱՌ-ՏԱՍՍ-ը, հայտնել են Ռուսաստանի կրթության գործակալությունում: «Ներկայումս բարձրագույն կրթության համակարգը ապահովում է մասնագետների պատրաստումը 60 տոկոսով, մինչդեռ տնտեսության ճյուղերի բարձրագույն կրթությամբ մասնագետների պահանջմունքի կառուցվածքը կազմում է ընդամենը 35 տոկոս»,- նշել են կրթության գործակալությունում:

---