Ամերիկյան MTV հեռուստաալիքի Video Music Awards-ի գլխավոր մրցանակը «Տարվա տեսանյութ» անվանակարգում ստացել է Քեթի Պերին` «Firework» կոմպոզիցիայի համար: Այս մասին հաղորդում է «ՌԻԱ Նովոստի» գործակալությունը: Այս տարի նա առաջադրվել է 9 անվանակարգերով եւ արդեն մի քանի անգամ ստացել է մրցանակներ: Նշենք, որ այս մրցանակի համար առաջադրվել էին նաեւ բրիտանացի երգչուհի Ադելը «Rolling in the Deep» կոմպոզիցիայով, Բրուկլինի Beastie Boys խումբը` «Make Some Noise»-ով, Բրունո Մարսը` «Grenade»-ով եւ Թայլեր «Արարիչը»` «Yonkers»-ով:

---