«Հույսի կամուրջ» ՀԿ-ն հայտարարում է լուսանկարների և մեկրոպեանոց ֆիլմերի մրցույթ «Իմ ընկերը» խորագրով
11-10-2011 12:14:44 | Հայաստան | Մամլո հաղորդագրություն
«Հույսի կամուրջ» հասարակական կազմակերպությունը հայտարարում է լուսանկարների եւ մեկրոպեանոց ֆիլմերի մրցույթ «Իմ ընկերը» խորագրով: Մրցույթին կարող են մասնակցել մինչեւ 17 տարեկան բոլոր դպրոցականները:
Նախաձեռնության նպատակն է երեխաների աչքերով ներկայացնել, թե որքանով են իրենք եւ իրենց հասակակիցները ներգրավված կրթական եւ համայնքային կյանքում, ինչ խնդիրներ կամ ձեռքբերումներ:
Մասնակցելու համար անհրաժեշտ է ներկայացնել լուսանկար կամ մեկ րոպեանոց ֆիլմ (ներկայացնել միայն թվանշային տեսքով)`նշելով անուն-ազգանունը, դպրոցը, տարիքը եւ հեռախոսահամարը:
Նյութերը կարող են պատրաստված լինել ցանկացած տեխնիկայով` բջջային հեռախոս, ֆոտոխցիկ, տեսախցիկ: Մրցութային լուսանկարները եւ տեսանյութերը կտեղադրվեն հատուկ բլոգում:
Հանձնաժողովի ընտրած լավագույն 6 աշխատաքների հեղինակները կպարգեւատրվեն մրցանակներով եւ պատվոգրերով:
Սահմանված են հետեւյալ մրցանակները.
Լուսանկարների համար`
Առաջին մրցանակ ` թվային ֆոտոխցիկ
Երկրորդ մրցանակ` լուսանկարչական արվեստին նվիրված գրքեր
Երրորդ մրցանակ` դեկտեմբերի 2-3-ին Մարզահամերգային համալիրում կայանալիք մանկական Եվրատեսիլի տոմս
Տեսանյութերի համար`
Առաջին մրցանակ `թվային ֆոտոխցիկ
Երկրորդ մրցանակ ` ֆիլմերի հավաքածու
Երրորդ մրցանակ` դեկտեմբերի 2-3-ին Մարզահամերգային համալիրում կայանալիք մանկական Եվրատեսիլի տոմս
Մրցութային աշխատանքներն ընդունվում են մինչեւ նոյեմբերի 15-ը, [email protected] էլ. փոստով կամ Կորյունի 19 ա, 2-րդ հարկ «Հույսի կամուրջ» ՀԿ գրասենյակում: