«Համաշխարհային Անկախ Երիտասարդական Միավորում» եւ «Համագործակցություն Հանուն Զարգացման» կազմակերպությունները հրավիրում են մասնակցելու դեկտեմբերի 3-ին` Հաշմանդամ մարդկանց համաշխարհային օրը, ժամը 11:30-ին կայանալիք միջոցառմանը, որը տեղի կունենա Հանրապետական մանկական վերականգնողական կենտրոնում:

Միջոցառումն իրականացվում է «Կամավորության խթանում եւ հավասարակիցների ուսուցանում» ծրագրի շրջանակներում` Հայաստանում ԱՄՆ Դեսպանատան եւ Հայաստանում ԱՄՆ շրջանավարտների ասոցիացիայի (USAAA) աջակցությամբ:

Երեխաներին կողջունեն «Արեւներ» մանկական երգչախմբի երեխաները, Սիլվա Հակոբյանը եւ ուրիշներ, ինչպես նաեւ հեքիաթների հերոսներ, ծաղրածուներ: Միջոցառմանը ներկա կգտնվեն նաեւ հյուրեր ԱՄՆ դեսպանատնից, ինչպես նաեւ Հայաստանում ԱՄՆ շրջանավարտների ասոցիացիայի գործադիր տնօրեն Խաչիկ Գեւորգյանը:

Հասցե` Հանրապետական մանկական վերականգնողական կենտրոն, Էջմիածնի հին խճուղի, 109 շենք

Մանրամասն տեղեկությունների համար կարող եք զանգահարել ծրագրի համակարգող Սիրանուշ Յարմալոյանին (055) 24 44 78 հեռախոսահամարով:

---