Նոյեմբերի 26-ին, ժամը 14:00-ին Կոնգրես հյուրանոցի «Փոքր» սրահում տեղի կունենա «Կրթության առանձնահատուկ պայմանների կարիք ունեցող երեխաների իրավունքների խթանում» ծրագրի շրջանակներում կազմակերպված կլոր սեղանը, որն ուղղված է հատուկ դպրոցների օրինակելի կանոնադրության եւ խնամքի կազմակերպման չափորոշիչների նախագծերի հանրային քննարկմանը:

Ծրագիրը ֆինանսավորվել է Համաշխարհային Բանկի Քաղաքացիական Հասարակության Հիմնադրամի կողմից, համաֆինանսավորվել է Ֆրանս-հայկական զարգացման հիմնադրամի կողմից եւ իրականացվում է ՀՀ Կրթության եւ գիտության նախարարության հետ համագործակցությամբ:

Ծրագրի նպատակն է խթանել կրթության առանձնահատուկ պայմանների կարիք ունեցող երեխաների իրավունքները` ստեղծելով առ այսօր գոյություն չունեցող հատուկ կրթության կազմակերպման չափորոշիչները եւ արդիականացնելով 2002 թ.-ից ի վեր չվերանայված եւ օրենսդրական դաշտին չհամապատասխանող` հատուկ կրթություն իրականացնող կազմակերպությունների օրինակելի կանոնադրության նմուշը:

Հավելյալ տեղեկությունների համար դիմել`

Նունե Բալյանին

Ծրագրի ղեկավար

Հեռ.` 0374 10 52 42 26

Ֆաքս` 0374 10 52 44 69

Էլ. հասցե` [email protected]

---