2010 թվականի հունիսի 16-18 տեղի կունենա «Մեծահասակներ» կրթության եվրոպական ասոցիացիայի Գլխավոր համաժողովը եւ «Մասնագիտական կրթությունը եւ ուսումնառությունը մեծահասակների եւ երիտասարդների համար» միջազգային կոնֆերանսը: Միջոցառման բացումը տեղի կունենա 2010թ. հունիսի 16-ին, ժամը 13:00-ին Երեւանի «Մարիոթ Արմենիա» հյուրանոցի Տիգրան Մեծ սրահում:

Միջոցառումների նախաձեռնող «Մեծահասակների կրթություն եւ ուսումնառություն ողջ կյանքի ընթացքում» ՀԿ-ն (ՄԿՈՒՈԿԸ ՀԿ) նպատակ ունի համախմբել ոլորտի միջազգային եւ տեղական համագործակից կազմակերպություններին եւ մասնագետներին, քննարկել ոլորտի զարգացման ուղղությունները եւ երկարաժամկետ նպատակները, փոխանակել փորձը եւ քննարկել ձեռքբերումները այդ ասպարեզում:

Համաժողովի եւ միջազգային կոնֆերանսի համակազմակերպիչներն են.
ՀՀ ԿԳ նախարարությունը, Դվվ Ինթերնեյշնլը, Մեծահասակների կրթության եվրոպական ասոցիացիան, Բրիտանական Խորհուրդըեւ Եվրոպական կրթական հիմնադրամը:

Համաժողովի անցկացումը Երեւանում բացառիկ հնարավորություն է եվրոպական գործընկերների համար Հայաստանի բացահայտման, միջազգային գործընկերների հետ բազմակողմ համագործակցություն սկսելու կամ զարգացման համար: Սա հարմար առիթ է նաեւ Եվրոպային ծանոթացնելու հայաստանյան կրթական գործընթացներին եւ ստեղծելու ամուր խողովակ` ինֆորմացիայի եւ փորձի փոխանակման միջոցով երկարատեւ համընդհանուր գործակցության ապահովելու համար:

2010 թվ. հունիսի 16-18 Մեծահասակների կրթության եվրոպական ասոցիացիայի Գլխավոր համաժողովը զուգակցվում է «Մասնագիտական կրթությունը եւ ուսումնառությունը մեծահասակների եւ երիտասարդների համար» միջազգային գիտաժողովով: Այդ երկու միջոցառումներին ժամանելու են մոտ 80 օտարերկրացի Եվրոպայի եւ ԱՊՀ թվով 26 երկրից: Կազմկոմիտեն նախատեսում է ընդհանուր առմամբ միջոցառման 150 մասնակից Հայաստանից եւ արտերկրից:

---