ՄԱՅՔԼ ՋԵԿՍՈՆԸ ԵՎ ԼԻԶԱ ՄԱՐԻ ՊՐԵՍԼԻՆ ԱՄՈՒՍՆԱԼՈՒԾՎԵԼ ԵՆ
19-01-1996 15:35:00 | Հայաստան | Միջազգային
ԼՈՍ ԱՆՋԵԼԵՍ, հունվ 19 (ՆՏ-DPA) Լիզա Մարի Պրեսլին, վեճերի
տեղիք տվող պոպ-աստղ Մայքլ Ջեկսոնի կինը ապահարզանի փաստաթուղթ է
ստորագրել հինգշաբթի օրը, որպես պատճառ նշելով «անհամատեղելի
տարաձայնությունները»: Համաձայն Լոս Անջելեսի Գերագույն Դատարանում
գտնվող երեք էջ կազմող ապահարզանի դիմումի, զույգը բաժանվել է
անցած դեկտեմբերի 10-ին, չորս օր հետո այն բանից, երբ համերգի
նախապատրաստվելու փորձի ժամանակ Ջեկսոնը հանկարծակի ուշագնաց է
եղել: Ոչ 27-ամյա Պրեսլին, ոչ էլ 37-ամյա Ջեկսոնը ոչ մի
մեկնաբանություն չեն տվել:
Լիզա Մարի Պրեսլին` ռոքընռոլի լեգենդ Էլվիս Պրեսլիի
դուստրը, Ջեկսոնի հետ գաղտնի կերպով ամուսնացել է 1994 թ. մայիսին
Դոմինիկյան Հանրապետությունում: Զույգը վավերացրել է իր
ամուսնությունը երեք ամիս հետո: Նրանց համատեղ կարողությունը
կազմում է 500 մլն. դոլար: