ՍՏԵՓԱՆԱԿԵՐՏ, 1ՀՈՒԼԻՍԻ, ՆՈՅՅԱՆ ՏԱՊԱՆ: Հունիսի 30-ի լույս հուլիսի 1-ի գիշերը եւ օրվա ընթացքում ղարաբաղա-ադրբեջանական զորքերի շփման գոտու մի շարք հատվածներում արձանագրվել են հրադադարի ռեժիմի խախտման դեպքեր:
Հակառակորդը տարբեր տրամաչափի հրաձգային զենքերից եւ դիպուկահար հրացաններից գնդակոծել է Չախրլը, Հորադիզ, Աշաղը Վեյսալի, Մարզիլի, Յուսուֆջանլու, Չեիլ, Բաշ Քարվենդ, Ջավագիրլի, Սարջանլը, Կենգերլի, Լեւոնարխ, Ջրաբերդ, Սեյսուլան ուղղություններում տեղակայված ղարաբաղյան դիրքապահների հենակետերը:
Ինչպես տեղեկացնում է ԼՂՀ պաշտպանության նախարարության մամուլի ծառայությունը, Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է: