ՀՀ Հանրային խորհրդի նախագահի ցավակցագիրը ՀՀ ժող.արտիստ Գալյա Նովենցի մահվան կապակցությամբ
24-07-2012 14:00:07 | Հայաստան | Մամլո հաղորդագրություն
ՀՀ Հանրային խորհրդի նախագահ Վազգեն Մանուկյանի ցավակցագիրը ՀՀ ժողովրդական արտիստ Գալյա Նովենցի մահվան կապակցությամբ.
«Մեծ ափսոսանքով տեղեկացա Հայաստանի Հանրապետության ժողովրդական արտիստ, անվանի դերասանուհի Գալյա Նովենցի մահվան մասին: Նա հայկական կինոյի եւ թատրոնի այն երախտավորներից է, որոնք իրենց բացառիկ տաղանդով եւ կերտած վառ կերպարների շնորհիվ հավերժ ապրում են ժողովրդի հիշողության մեջ՝
մնալով միշտ հարազատ ու սիրելի:
Համոզված եմ, որ մեծանուն դերասանուհու անունն իր պատվավոր տեղը կգտնի հայ կինոյի եւ թատերարվեստի պատմության մեջ:
Հանրային խորհրդի եւ իմ անունից խորին ցավակցություն եմ հայտնում Գալյա Նովենցի հարազատներին, բարեկամներին, ընկերներին եւ նրա մահով վշտացած բոլոր քաղաքացիներին»:
ՀՀ Հանրային խորհրդի նախագահ
Վազգեն Մանուկյան