Շարունակվում են սիրիահայ ընտանիքների հաշվառման և նպաստների տրամադրման աշխատանքները

15-04-2014 14:50:54 | Հայաստան | Բարեգործություն

Երևանի քաղաքապետ Տարոն Մարգարյանի հանձնարարությամբ շարունակվում են մայրաքաղաքում բնակվող սոցիալապես անապահով սիրիահայ ընտանիքներին ցուցաբերվող աջակցության ծրագրերը:

2014 թվականի առաջին եռամսյակում քաղաքապետարանի աշխատակազմի սոցիալական ապահովության վարչության կողմից սոցիալական աջակցության ծրագրերի շրջանակում համապատասխան օժանդակություն է ցուցաբերվել հարյուրավոր սիրիահայերի:

Մասնավորապես կենցաղային իրեր, հագուստեղեն, գրենական պիտույքներ են տրամադրվել 228 ընտանիքի:

Երևանի քաղաքապետարանի տեղեկատվության հասարակայնության հետ կապերի վարչությունից հայտնում են, որ պարենային աջակցություն է ստացել 64 ընտանիք, ևս 47-ին տրամադրվել է դրամական աջակցություն:

Զուգահեռ շարունակվում է անապահովության գնահատման համակարգում սիրիահայ ընտանիքների հաշվառումը, նպաստների տրամադրումը: Քաղաքապետարանի և վարչական շրջանների ուշադրության կենտրոնում շարունակում է մնալ նաև վերջինների զբաղվածության հարցը: Երևանի ԶԾՏԿ-ներում հաշվառվել է 24 սիրիահայ, կենսաթոշակի իրավունք է ձեռք բերել 25-ը: Ըստ անհրաժեշտության տրամադրվում են նաև հրատապ օգնություններ:

Նոյյան տապան - Բարեգործություն

Կարդացել են 773 անգամ

https://s1.merlive.am/Noian_Tapan/embed.html?autoplay=false&play

Շարունակվում են սիրիահայ ընտանիքների հաշվառման և նպաստների տրամադրման աշխատանքները

Noyan Tapan TV