Հայաստանի Այկիկենդո կարատեի ֆեդերացիան պատրաստվում է
առաջիկայում կայանալիք տեղական և միջազգային մի շարք մրցաշարերին: Այս
նպատակով մայիսի 11-ին «Աշխատանք» մարզահամալիրում (ք. Երևան, Ցախի 18՝
Վիվասել-ՄՏՍ-ի գլխամասյին գրասենյակի հետնամասում) կազմակերպվում է
«Հայաստանի գավաթ», որին կմասնակցեն ֆեդերացիայի բոլոր մասնաճյուղերի
մարզիկ/մարզուհիները:
«Վերջին 2 տարիների ընթացքում մեր ֆեդերացիան առավել հաճախ է
մասնակցում միջազգային և տեղական մրցաշարերին: Դա մեծ
պատասխանատվություն է, քանի որ ներկայացնում ենք մեր երկիրը, իսկ դա
նշանակում է ամեն անգամ ավելի լուրջ կազմով է պետք ներկայանալ: Նման
մրցաշարերի ժամանակ հաճախ ենք հայտնաբերում մեր մարզիկների
կարողությունները: Եվ լավագույններին ընտրելով՝ կարողանում ենք մեր երկրի
պատիվը բարձր պահել միջազգային հարթակներում»,- ասել է Հայաստանի Այկիկենդո
կարատեի ֆեդերացիայի նախագահ՝ սև գոտի 5-րդ դան Դավիթ Աթանեսյանը:
Մրցաշարին կհաջորդեն ամառային ուսումնամարզական հավաքները, որոնք
կամրապնդեն մարզիկների ձեռքբերածը պարբերական պարապմունքների
արդյունքում:
Նշենք նաև, որ այս ամռան ընթացքում ֆեդերացիայի լավագույն մարզիկները
հնարավորություն կունենան մասնակցել Եվրոպայում անցկացվող K-1 վարկածով
պրոֆեսիոնալ մենամարտերի:
Հայաստանի այկիկենդո կարատեի ֆեդերացիան գործում է 2004 թվականից: Այս
ժամանակահատվածում ֆեդերացիան արդեն ունի Եվրոպայի և Եվրասիայի ոսկե և արծաթե
մեդալակիրներ` Վանիկ Պապոյան՝ Եվրոպայի չեմպիոն 36 կգ քաշային կարգում, Մարտին
Այվազյան՝ 59 կգ քաշային կարգում, ոսկե մեդալակիր, ֆեդերացիայի անունը բարձր են
պահում նաև Տիգրան Դավթյանը, Տիգրան Մխիթարյանը, Հայկ Եսայանը, Արտակ
Բաղդասարյանը և այլն:
Հավելյալ տեղեկությունների համար կարող եք դիմել Արեգ Բարսեղյանին 077 855885
ՀԱՅԵՐԵՆ
Русский
English
Դաս. հայերեն
French
