Մեքենայի պատուհանից դուրս նետված աղբը ավելի շատ է խոսում հայրենասիրության մասին՝ քան դիմապակուն փակցված եռագույնը (Տեսանյութ)
10-10-2014 11:34:44 | Հայաստան | Հասարակություն
«Մաքուր քաղաք», «Մաքուր բնություն», «Մաքուր ճանապարհներ». «ԼոգոՍ» ԵՀԿ-ն «Երկիրը մեր տունն է» բնապահպանական ծրագրի իրականցման արդյունքում նկարահանեց այս խորագրերով սոցիալական տեսահոլովակներ:
Ծրագիրն իրականացվեց ՀԵՀ-ի` որպես ՀՀ նախագահի կողմից ընտրված գործընկեր կազմակերպության կողմից իրականացվող դրամաշնորհային մրցույթի շրջանակում:
Սոցիալական հոլովակների նկարահանման նպատակն է նպաստել հասարակության շրջանում բնապահպանական խնդիրների վերաբերյալ իրազեկության մակարդակի բարձրացմանը:
«ԼոգոՍ» ԵՀԿ ղեկավար Արա Մելիքջանյանը տեղեկացրեց, որ մինչ տեսահոլովակների նկարահանումը հայտարարել էին լավագույն սցենարների մրցույթ: Ներկայացվել էին 20-ից ավելի սցենարներ, որոնցից հանձնաժողովն ընտրեց լավագույն երեքը: Հեղինակներն արժանացան խրախուսական պարգևների, հաղթող ճանաչված սցենարների հիման վրա նկարահանվեցին «Մաքուր քաղաք»,«Մաքուր բնություն», «Մաքուր ճանապարհներ» խորագրերով սոցիալական հովովակները, որոնք տեղադրվել են սոցցանցերում, էլեկտրոնային լրատվամիջոցներում, իսկ հոկտեմբերի 1-ից հեռարձկվել «ՑԱՅԳ» հեռուստաընկերության եթերում:
Խոսելով ծրագրի արդյունքների մասին` Արա Մելիքջանյանն ասաց. «Ասում են, որ միջհամայնքային տրանսորտային միջոցներում, երբ ուղևորները փորձում են իրեր նետել դուրս, վարորդները նկատողություն են անում, թե չե՞ք տեսել այն տեսահոլովակները, որ պետք չէ աղտոտել տարածքը»:
Արա Մելիքջանյանի կարծիքով` խնդիրը հասարակական գիտակցության մեջ. «Պետք է քաղաքացու գիտակցությունը հասցվի այն աստիճանի, որ ձևավորվի բնությունը չաղտոտելու մշակույթը: Ցավոք, առայժմ մեր հասարակությունը հեռու է այս մշակույթից»:
Սոցիալական հոլովակների հիմնական ուղերձն այն է, որ հայրենիքը վերամբարձ խոսքերով չեն սիրում, այլ հայրենի քաղաքը, շրջակա միջավայրը չաղտոտելով: Դրամաշնորհային ծրագիրն այսքանով չի ավարտվում: Արա Մելիքջանյանը հավաստիացրեց, թե հետևողական են լինելու. հեծանվային արշավներ են իրականացնելու դեպի պատմամշակութային վայրեր, բարեկարգելու և մաքրելու են դրանց հարակից տարածքները:
«Մաքուր քաղաք»,«Մաքուր բնություն», «Մաքուր ճանապարհներ» խորագրերով սոցիալական հոլովակներին կարող եք ծանոթանալ հետևյալ հասցեներում.
ՀԱՅԵՐԵՆ
Русский
English
Դաս. հայերեն
French
