Մյունխենում տեղի է ունեցել Հայաստանի եւ Մոլդովայի արտգործնախարարների հանդիպումը

13-02-2016 16:08:52 | Գերմանիա | Մամլո հաղորդագրություն

Փետրվարի 13-ին ՀՀ արտգործնախարար Էդվարդ Նալբանդյանը Մյունխենում հանդիպեց Մոլդովայի փոխվարչապետ, արտաքին գործերի և եվրոպական ինտեգրման նախարար Անդրեյ Գալբուրին:

Շնորհավորելով գործընկերոջը Մոլդովայի արտգործնախարարի պաշտոնը ստանձնելու կապակցությամբ՝ Էդվարդ Նալբանդյանը կարևորեց հարաբերությունների զարգացմանն ուղղված հետևողական քայլերի իրականացումը։

Շնորհակալություն հայտնելով բարեմաղթանքների համար՝ Անդրեյ Գալբուրը նշեց, որ Մոլդովան շահագրգռված է Հայաստանի հետ բարեկամական համագործակցության խորացմամբ։

Զրուցակիցները քննարկեցին քաղաքական երկխոսության ակտիվացման, իրավապայմանագրային դաշտի ընդլայնման, միջազգային կազմակերպությունների շրջանակներում փոխգործակցության սերտացման հարցեր։

Անդրադարձ կատարվեց միջազգային և տարածաշրջանային հրատապ խնդիրների:

Մոլդովայի արտաքին գործերի նախարարը ներկայացրեց Մոլդովայում ներքին կայունության ապահովմանն ուղղված՝ իշխանությունների ջանքերը:

Նոյյան տապան - Մամլո հաղորդագրություն

Կարդացել են 1348 անգամ

https://s1.merlive.am/Noian_Tapan/embed.html?autoplay=false&play

Մյունխենում տեղի է ունեցել Հայաստանի եւ Մոլդովայի արտգործնախարարների հանդիպումը

Noyan Tapan TV