2015 թվականի դեկտեմբերի 6-ի՝ Սերժ Սարգսյանի կողմից պարտադրված Սահմանադրության հանրաքվեի քվեարկության արդյունքների ակնհայտ կեղծումներից հետո ուժգնացել են ՀՀԿ-ական իշխանության հանդեպ ընդդիմադիր և քննադատական դիրքորոշում ունեցող անձանց նկատմամբ հետապնդումները, բռնությունները և սպառնալիքները:

 

«Նոր Հայաստան» ճակատի անդամ քաղբանտարկյալ Գևորգ Սաֆարյանի ձերբակալումը, ապօրինի քրեական գործի հարուցումը և ակհայտ անհիմն կալանավորումը, «Նոր Հայաստան» ճակատի աջակիցներ Սյուզի Գևորգյանի և Վահե Դիլոյանի ընտանիքի նկատմամբ դարանակալած անձանց կողմից բռնությունը և ծեծը, շարունակական բռնությունները բողոքի ցույցերի ակտիվ մասնակից և ապորինի կալանաորված քաղբանտարկյալ Վարդգես Գասպարիի նկատմամբ, «Հակահարված» արտ խմբի անդամ Արտակ Գևորգյանի նկատմամբ ապօրինի քրեական գործի հարուցումը, հրապարակախոս Զառա Հովհաննիսյանի նկատմամբ սոցցանցերով իր և իր երեխաների հասցեին սպանության սպառնալիքների տարածումը հանդիսանում են ոչ միայն 2015 թվականին տեղի ունեցած բռնությունների շարունակությունը, այլև իրենց բնույթով և ոճով հանդիսանում են ազատ և քննադատական մտքի նկատմամբ նոր՝ ավելի դաժան, հետապնդման դրսևորումներ: Սերժ Սարգսյանի վարչակազմը, սպառելով հանրային լայն շրջաններում վստահության որևէ պաշար, չունենալով հանրային գիտակցությունը խեղաթյուրելու նպատակով աճպարարության որևէ այլ հնարավորություն, յուրաքանչյուր ազատ և քննադատական կարծիք ունեցող անձի սկսել է թիրախավորել՝ փորձելով ձևավորել վախի մթնոլորտ և ուժով ենթարկեցնել հանրությանը: Խստորեն դատապարտում ենք ՀՀԿ-ական իշխանության հակաիրավական և հակամարդկային գործելաոճը և պահանջում անհապաղ տեղափոխվել իրավական դաշտ՝ որպես Եվրոպայի Խորհրդի անդամ պետություն: Պահանջում ենք՝ անհապաղ դադարեցնել քրեական հետապնդումները Գևորգ Սաֆարյանի նկատմամբ, և նրան ազատ արձակել, բացահայտել և պատասխանատվության ենթարկել մյուս քաղաքացիական ակտիվիստների նկատմամբ բռնություն կիրառած և սպառնալիքներ հնչեցրած անձանց: Ներկայացված պահանջները չկատարելու դեպքում քաղաքացիական ակտիվիստների նկատմամբ հետագա բռնությունների և ապօրինությունների ողջ պատասխանատվությունը կշարունակի կրել Սերժ Սարգսյանի վարչակազմը, իսկ նման իրավիճակի շարունակումը կհանգեցնի անկայունության, որի ողջ պատասխանատվությունը վերստին կկրի անձամբ Սերժ Սարգսյանը և ՀՀԿ-ական վարչակազմը:

 

 

 

Նոյյան տապան  -   Հասարակություն