Մարտի սկզբից Մեքսիկայում գրիպից մահացել է 80-ից ավելի մարդ
12-03-2016 11:21:02 | Մեքսիկա | Միջազգային
Մեքսիկայում մարտի 3-ից գրիպի հետևանքով մահացածների թիվը հասել է 80-ի: korrespondent.net-ի փոխանցմամբ` 2015 թվականի հոկտեմբերից երկրում մահացածների ընդհանուր թիվը կազմում է 182 մարդ, միևնույն ժամանակ «խոզի գրիպից» A(H1N1) հոկտեմբերից մահացել է 140 մարդ, իսկ գրիպի տարբեր տեսակներից մահացածների ընդհանուր թիվը կազմել է 5,9 հազար մարդ: Գրիպն ավելի շատ տարածված է եղել Մեխիկո, Հալիսկո, Տլասկալա և Պուեբլա նահանգներում, ինչպես նաև մայրաքաղաքում:
Ավելի վաղ, տեղի իշխանությունները հայտարարել էին, որ առայժմ անհրաժեշտ չեն համարում գրիպի ալիքի հետևանքով դպրոցների փակումը, այնուամենայնիվ, շատ մասնավոր մանկապարտեզներ և դպրոցներ վիրուսի տարածումից խուսափելու նպատակով որոշել էին ժամանակավոր դադարեցնել իրենց գործունեությունը: