ԱՄՆ-ն Ասադին մեղադրել է Սիրիայում հրադադարի ռեժիմի խախտելու մեջ
12-03-2016 11:36:24 | ԱՄՆ | Միջազգային
Ամերիկայի միացյալ նահանգները Սիրիայի կառավարությանը մեղադրել է փետրվարի վերջին հաստատված հարադադարի ռեժիմը խախտելու մեջ և կոչ արել Ռուսաստանին ազդել Բաշար Ասադի վրա:
korrespondent.net-ի փոխանցմամբ` պետդեպարտամենտի ներկայացուցիչ Ջոն Քիրբին հայտարարել է, որ Սիրիայի կառավարական ուժերի հրթիռային հարվածները, որոնց զոհ են պարբերաբար դառնում խաղաղ բնակիչներ, հանդիսանում են կրակի դադարեցման ռեժիմի խախտման վառ օրինակ:
Ըստ նրա` հրադադարի ռեժիմին հաջողվել էր հասնել Ռուսաստանի և ԱՄՆ-ի ջանքերի շնորհիվ:
Մինչ օրս ԱՄՆ-ն և Ռուսաստանը հաստատում էին, որ չնայած տեղական մշտական միջադեպերի, այնուամենայնիվ, հաշտությունը պահպանվում էր:
Ջոն Քիրբիի խոսքերով` Ռուսաստանն անձնական հարաբերություններ ունի Սիրիայի նախագահ Բաշար Ասադի հետ և կարող է ազդել նրա վրա, մինչդեռ Մոսկվան իր ազդեցությունն օգտագործում է Դամասկոսում, որպեսզի հասնի կրակի դադարեցման:
Հիշեցնենք, որ մարտի 14-ին Ժնևում նախատեսված են Սիրիայի հակամարտության շուրջ խաղաղ բանակցություններ, որոնց կմասնակցի այսպես կոչված բանակցությունների շուրջ Գերագույն կոմիտեն, որը ներկայացնում է Սիրիայում բոլոր հիմնական ծայրահեղական և ապստամբ խմբավորումների շահերը:
ՀԱՅԵՐԵՆ
Русский
English
Դաս. հայերեն
French
